Cefnogi Gweithgarwch Corfforol yn y Cartref gyda Chiwiau Cyd-destunol Rhyngweithiol

Cefnogi Gweithgarwch Corfforol yn y Cartref gyda Chiwiau Cyd-destunol Rhyngweithiol

Ychwanegwch symudiad i’ch trefn ddyddiol gyda chiwiau clyfar rhyngweithiol

Defnyddio “ciwiau clyfar” rhyngweithiol wedi’u gosod o amgylch y tŷ i wneud gweithgarwch corfforol yn rhan o’ch trefn ddyddiol.

Pam mae hyn yn bwysig

Mae gweithgarwch corfforol yn gwella lles a gall pytiau bach hyd yn oed o ymarfer corff wneud gwahaniaeth. Fodd bynnag, mae pobl yn cael trafferth dod o hyd i amser a chofio symud gartref – a heb ailadrodd rhywbeth yn gyson mae'n anodd cynnal arferion am gyfnod hir.

Yr her

Mae dechrau arfer newydd yn anodd, ond gall amgylchedd cyson a'i elfennau helpu i ysgogi'r ymddygiad a'i wneud yn awtomatig. Gallai technoleg helpu, ond mae’r technolegau cartref sy’n bodoli ar hyn o bryd yn cael eu defnyddio i fonitro a rheoli yn y cartref, heb fawr o sylw i ffurfio arferion sefyllfaol.

Sut byddwn ni’n mynd ati

Ein nod yw manteisio ar y rôl bwysig mae'r amgylchedd yn ei chwarae wrth gefnogi’r broses o ffurfio arferion. I wneud hynny, rydyn ni’n defnyddio dyfeisiau bach rhyngweithiol wedi'u gosod o amgylch y tŷ (“ciwiau clyfar”) i ysgogi'r defnyddwyr a'u helpu i integreiddio symudiad yn eu tasgau bob dydd.

Nod y Pecyn Cymorth Ciwiau Clyfar yw cefnogi ymchwilwyr a dylunwyr sy'n datblygu systemau clyfar i gefnogi gweithgarwch corfforol yn y cartref.

Bydd y pecyn cymorth cyflawn hwn yn cynnwys prototeipiau, adnoddau ac astudiaethau achos.

Cefndir damcaniaethol

Gan mai ein nod yw cefnogi newid ymddygiad ac annog gweithgarwch corfforol rheolaidd fel rhan o drefn ddyddiol, mae'r prosiect hwn wedi'i seilio ar ymchwil i ffurfio arferion.

Diffinnir arferion fel ymatebion awtomatig i giwiau cyd-destunol. Maen nhw’n angenrheidiol i sicrhau newid hirdymor yn ymddygiad rhywun: unwaith y bydd arfer yn datblygu, mae'r ymddygiad yn dod yn awtomatig ac nid oes rhaid i ni ddibynnu ar gymhelliant mwyach. Rhagor o wybodaeth.

Elfennau ffurfio arferion

    • Ailadrodd: Er mwyn dod yn awtomatig, mae'n rhaid i'r ymddygiad targed gael ei ailadrodd yn gyson. Ond nid yw ailadrodd yn unig yn ddigon.
    • Amgylchedd sefydlog: Er mwyn sicrhau bod yr ailadrodd yn troi’n arfer, dylid ailadrodd yr ymddygiad mewn amgylchedd sefydlog i helpu i ffurfio cysylltiadau a fydd yn sbarduno gweithredoedd dymunol y defnyddiwr.
    • Ciwiau cyd-destunol Mae gwrthrychau a’r drefn ddyddiol bresennol sy'n gysylltiedig â'r amgylchedd yn sbardun ar gyfer gweithredoedd ac yn angenrheidiol wrth ffurfio arfer. 

Ymchwil ac Arloesedd y DU

Prifysgol Caerdydd