Ffigur 1: Llif gwaith rhyngweithio nodweddiadol (cynhyrchwyd y darlun o berson gan ChatGPT)

Mae “Tu Hwnt i Fonitro Goddefol: Adolygiad Systematig o Ddyfeisiau Rhyngweithiol Diriaethol sy’n Cefnogi Gweithgarwch Corfforol yn y Cartref” wedi’i dderbyn i’w gyflwyno a’i gyhoeddi yng Nghynhadledd ACM ar Ffactorau Dynol mewn Systemau Cyfrifiadurol (CHI 2026), sef cynhadledd ryngwladol flaenllaw ar gyfer ymchwil i Ryngweithio rhwng Pobl a Chyfrifiaduron (HCI).

Mae'r adolygiad systematig hwn yn archwilio sut mae dyfeisiau rhyngweithiol diriaethol yn cefnogi gweithgarwch corfforol yn y cartref. Er mwyn rhoi cyd-destun i'r canfyddiadau, rydym yn amlinellu llif gwaith rhyngweithio nodweddiadol (gweler Ffigur 1), sy'n cynnwys tri cham: cychwyn, cefnogaeth yn ystod y sesiwn, ac atgyfnerthu. Ar y cam cychwyn, mae defnyddwyr yn dod ar draws ciw ffisegol sydd wedi'i fewnosod yn amgylchedd y cartref, fel mat, rheolydd, neu wrthrych cartref estynedig. Mae ymgysylltu â'r ddyfais yn sbarduno'r cam cymorth, lle mae synwyryddion, er enghraifft synwyryddion grym neu unedau mesur anadweithiol, yn canfod symudiad ac yn rhoi adborth gweledol, sain neu haptig mewn amser real yn seiliedig ar berfformiad a chwblhau. Yn olaf, yn y cyfnod atgyfnerthu, mae'r system yn cadarnhau bod y nod wedi’i gwblhau neu'n cyflwyno crynodeb byr i annog ymgysylltiad eto.

Ffigur 2: Crynodeb o fathau o adborth a sbardunau adborth cysylltiedig a ddefnyddir o fewn pob categori dyfais

Mae'r adolygiad hwn yn dadansoddi categorïau dyfeisiau, dulliau synhwyro a rhyngweithio, mecanweithiau adborth, a'r Technegau Newid Ymddygiad (TNY) sy'n bresennol yn y systemau hyn (gweler Ffigur 2 a 3). Mae'r canfyddiadau'n dangos pwyslais cryf ar ddyfeisiau mewnosodedig sy'n targedu gweithgareddau cryfder a chydbwysedd, gyda mecanweithiau adborth sy'n bennaf weledol a strwythurau ysgogi sy'n gymharol syml. Er bod amrywiaeth o dechnegau y gellir eu dosbarthu fel BCTs yn bresennol, mae'r rhain yn aml yn ymhlyg neu'n deillio o briodweddau rhyngweithiol neu faterol y dyfeisiau eu hunain. Ar y llaw arall, nid ydynt wedi bod yn destun gwerthusiadau sylweddol i sicrhau bod y defnyddiwr yn parhau i gyflawni'r ymddygiad ar ôl i'r ymchwilwyr fynd a does neb yno i'w ceryddu os ydyn nhw'n rhoi'r gorau iddi. Felly mae'r adolygiad yn tynnu sylw at sail ddamcaniaethol gyfyngedig mewn llawer o'r gwaith presennol ac yn amlinellu ystyriaethau dylunio ar gyfer datblygu dyfeisiau gweithgarwch corfforol diriaethol yn y dyfodol (gweler Ffigur 4).

Ffigur 3: Rhwydwaith TNY cyflawn gydag amleddau gweithredu a chyd-ddigwyddiadau. Mae maint y nod yn dangos pa mor aml y defnyddiwyd pob techneg ar draws systemau ac mae trwch y llinell yn dangos pa mor aml ymddangosodd technegau pâr gyda'i gilydd.
Ffigur 4: Trosolwg o ymyrraeth gweithgarwch corfforol benodol yn y cartref: proses tri cham (cyn/yn ystod/ar ôl sesiwn), cadarnhadau llwyth isel amlsynhwyraidd gyda dewis modd addasol, a gwerthusiad ar gyfer gwydnwch trwy ganlyniadau procsimol a distal gyda chynllun ar gyfer cyfnod lleihau ymarfer a dilyn i fyny.


Cyflwynir y papur hwn yng Nghynhadledd CHI 2026 ar Ffactorau Dynol mewn Systemau Cyfrifiadurol ym mis Ebrill 2026, gyda dau o'n tîm yn bresennol yn y gynhadledd i rannu'r gwaith hwn a'r aelod arall yn aros adref i gadw trefn ar bethau.

Postiadau cysylltiedig